Um tem evitado fala , sobre doutorado pa universidade de povo e visão social dr norberto tavares , pamodi um ca podi fla mas nada . primero norberto tavares debia fazi parte de curiculo escolar na cabo verde , pamodi e um actor brabo e cheio de conteudos altamentes importante pa storia recente de cabo verde .
um tem um memoria bonito e cheio de ternura de si voz, kim ta obia gira disco ta tocaba kel som imaculado e discurso extremante a frente de puresa ki e maria . um tchiga de conclui na nha infançia inocente ma maria e midjor som ki tinha capacidade pe criaba , depois cu tempo nha obido foi abençoado cu mas discursos libertador e ousado de kel xefe esquadra na o k ta toca funana. e co um normalidade e satisfação k um tem k agradeçi norberto tavares pa ser recipiente de ideas e habilidades tao nobres , dono di um simplicidade e genuidade impar e sem comparação. dje dexano ma moda abel djassi e ta vivi pa sempre atraves de sis obras , e ses ensinamentos pa tudo fidjos de 10 ilhas , e ta vivi na nos acções ja k e um inspiração pa nos tudo. norberto tinha um discurso ki e assunto pa mil pagina ma kela e ca nha objectivo , de certa forma no tem k fla ma si morte recuscita um gosto( k no tinha guardado baixo tcheu camada de ma musica e discursos diturpados) pa musica de qualidade e co substançia.
um ta fica pa li musica ca fazedo pa le ma sim pa obi por isso um ta recomenda qualquer ma qualquer um di ses musica k qualidade sta sempre presente .
Norberto e um sociologo e tanto e debia sta na curiculo de cursos k tinha kel disciplina la na uinversidade de cabo verde
